مشروع مدونة Fans soshi لترجمة..

بسم الله الرحمن الرحيم ..

أخباركم شعب السوان العظيم يارب جميعا تكونوا بصحة وعافية..

راح ادخل بالموضوع على طول وهوه المفيد طبعاً اكيد وضح لكم لو شي بسيط من العنوان عن محتوى الموضوع كلنا عارفين إنو في الفترة الاخيرة كثرة برامج السنسد بالاضافة للأربع الدرامات الجاية.

واكيد الكل يتمنى تترجم على الاقل يوم يصير يتابع يفهم شنو قاعد يصير وكلنا عارفين إن مدونات الترجمةلسنسد قليلة ومايقصرون مساكين ويبذلوا مجهود يشكرون عليه بس في النهاية مو قادرين يغطون كل البرامج ..وما أعتقد ان السوان مستعد يجلس وينتظر لحد ما احد يتصدق ويترجم لنا..

عشان كذا حبيت ابداء هذا المشروع وراح نشارك فيه كلنا يالسوان بيد وحده وننجز كل إللي نبيه من دون ما ننتظر احد طبعاً الفكرة انو نفتتح مدونة تابعة لمدونتنا هذي وتكون خاصة لترجمة وكل هذا يعتمد على تفاعل كل السوان معانا..

طبعا أنا لاحظت أنو في بنات كثير عندهم لغة ويفهمو كثير بالانجليزي وهذا السبب الرئيسي إللي حمسنا للمشروع غير كذا لاحظت كم بنت لهم استطاعه يرفعون الترجمة ع الفديوهات وهذا بعد شي إيجابي..

خلاصة الموضوع إنو ابتداء من الأن إللي يبغى يشارك بالمشروع راح نبتدي نتدرب على الترجمة والرفع من هنا لمدة شهر قدام..

وانا اولكم لانوا ما عندي خبره بهالشي من هنا لشهر قدام راح نكون اكتسبنا خبره بهالشي وخطوة بخطوة راح يكون كل شي واضح وسهل وراح نتساعد ونعلم بعض وبعد شهر راح نختبر قدراتنا إذا طلع والله إنو بنقدم شي بجوده عاليه حزتها نبدى الخطوة الثانية وهيه التقسم لمجموعات وبدء الترجمة وإللي ما كفاها شهر تاخذ راحتها لحد ما تتمرس وراح ننتظرها المشروع ما يقتصر على عدد معين بالعكس مفتوح لكل السوان وهذا افضل عشان يتقسم علينا الشغل ويكون مافيه ضغط يعني كل ما زاد العدد كل ما كان افضل  واتمنى من كل السوان المشاركة وماراح يكون فيه شي صعب ويد بيد راح نبدع وراح نطلع بشي يليق فينا اهم شي التعاون المبادرة والجدية وإحنا ماراح نضغط عليكم باوقات معينه ونلزمكم بفترات زمنية محدده لانو هدفنا في النهاية انو ننجز العمل بصورة جيدة مو انه  نخلصو بسرعة ..

إللي ابغاه الحين من إللي راح يضيفوا ردودهم ثلاثة أشياء يحددوها..

1 إللي عندها لغة ممتازة وجيدة ومستعدة تترجم تقول ..

2 إلليي عندها خبره في الرفع والتوقيت  تقول

3 إللي عندها استعداد تتعلم معانا وتشارك كمان تقول

طبعا إحنا راح نتقسم مجموعات لو نجح الموضوع بحيث كل مجموعة تحتوي مترجمتين بالأضافة للي راح يرفعوا الترجمة..

فلو طلع ع الاقل خمس مجموعات اعتقد حزتها راح تنحل عقدة السوان من ناحية ترجمة البرامج لانو حزتها راح يمدينا نغطي وننجز كل البرامج..

انا عارفة الكل حاليا عنده اختبارات وانا اولكم ومراعيه هالشي عشان كذا راح نبدى شغلنا بعد مانخلص امتحانات لانو هالمشروع حابه يكون شي حلو وتعاون بين السوان مو يكون شي صعب وضاغط على بعضكم اذا حسيت فيه تفاعل وكان عدد المشاركين كبير حزتها راح نفتتح مدونة الترجمة وراح نبتدي تعليم وشغل من هنا لشهر

وكل شي بالتعاون راح ينجز مافيه شي صعب إحنا قدها وراح نبدع ان شاء الله والغرض انو الكل يفيد ويستفيد إللي عندها لغة تساعد بالترجمة وإللي عندها خبره بالرفع تقدم مساعدتها وإللي ما تعرف تتعلم واتمنى اشوف كل السوان متفاعل ومشارك لانو في النهاية  هذا الشي لنا احنا وشي راح يتسجل بأسمنا وشي راح نقدمه لكل السوان الجديد ..

كلي ثقة في السوان إنو راح يتفاعل ويساعد وإذا فيه أي أقتراح او مشورة تبغوا تقدموها حطوها وراح ناخذ فيها..